Basic Tip: Cover

Inisip ko kahapon kung ipopost ko ang laban sa pagitan ng inyong abang lingkod at ni StrEagle, isa sa mga bagong users sa hamachi network na pinaglalaruan ko. Dahil inisip kong humina na ng tuluyan ang aking paglalaro ng CoH, naisip kong magsanay ulit salamat sa adik na AI ng 2.501.

Kaya pagsabak sa labanan ay puspusang harassment ang aking ginawa. Ngunit imbes na magkaron ng isang gg sa katapusan, nasisisi pa ako dahil daw "lag".

Sa isip2x ko, "Lag? Nagpapatawa ka ba?" Hindi rin ako makakagalaw kung lag ka.

Anyway, saka na natin pagusapan ang replay na iyon. Nabanggit ko na rin lang ang gunggong na StrEagle na yun dahil akala nya nandudugas ako, pero ang hindi nya alam, ay hindi nya ginagamit ang isa sa pinakaimportanteng aspeto ng laro.

Cover.

Sa tunay na buhay, sino ba naman ang matutuwa kung nasa gitna ka ng putukan? Ikumpara mo ang iyong sarili na nakatago sa isang bariles o damuhan kaysa nasa gitna ka nang kalsada.

Sa engkwentrong ito, mapapansin natin ang na ang mga grenadier squad ay nakaposisyon na paharap sa pader, dahil dito, ang bawas sa buhay ng mga naturang squad ay higit na mababa kaysa sa mga PE grenadier squad na nakatambay sa ilalim lamang ng victory point. Dahil sa cover, ang mga squad na nasa loob ng cover ay matatagalan bago ito tuluyang ma-pin ng mga suppression squads o units.

Gayundin, kahit aling infantry unit na nakapasok sa isang building ay siguradong pasok sa cover, at hinding-hindi ito mapi-pin hindi katulad ng mga units na nasa labas nang bakbakan.

Sa kabilang banda, mayron ring panabla sa cover, gaya ng mga flamethrowers at mortars. Asahan mong tustado ka o kaya'y lasog2x ang katawan mo kung hindi ka agad aalis sa tinatambayan mong lugar.