Battle Report: 12azor (Airborne) vs. Kodachrome (Terror)

Gaya ng aking pinangako, ang unang Battle Report! Ang mapa na paglalabanan ay ang pamosong Angoville sa pagitan ng mga ranked players ng Company of Heroes na sina 12azor at Kodachrome. Galing ang laro na ito sa gamereplays.org at simulan na naten agad!

Nagsimula ang laban sa pagbuo ng 2 pioneers at 2 engineers ng magkalabang pwersa at tinangkang kunin ni Kodachrome ang High Fuel point sa kaliwang parte ng mapa, subalit ang isang engineer squad ni 12azor ay naispatan ang nag-ccap na pioneer at napwersa itong umuwi. Habang pauwi ang mga pioneer squad ay parating na ang Volksgrenadier squad ni Koda para tangkaing muli ang pagkuha sa point, subalit ang Rifleman squad ni 12azor ay nasa kanang parte lamang ng point na iyon at panibagong putukan na naman ang naganap.


Kumuha agad ng cover si Kodachrome ngunit hindi rin kinaya ng mga Volks ang mga Rifleman at napilitan itong umatras sa gitna ng putukan. Ngayon ang high fuel point sa kanan ay kinukuha naman ni 12azor subalit ang motorcycle ni Koda ay sinimulang samantalahin ang pagkakataon na itigil ang pagc-cap ni 12azor. Naging matagumpay si Koda na paatrasin ang mga engineers ni 12azor at tinuluyan ngayon ni Koda na ibarikada ang daan papunta sa kanang side ng high fuel point.

Medic!!!
Tingnan naten kung makapasok pa kayo dito...

Dahil sa pagharang ni Kodachrome ay nagawa nyang makuha ang high fuel point sa kanan at lumalabas ngayon na hawak ni Koda ang hilagang bahagi ng mapa at kay 12azor ang silangan. Subalit sa puntong ito, ang 2 victory points ng Angoville ay hawak ngayon ni 12azor.

Ngunit hindi nagtagal ang barikadang ginawa ng mga Volks nang tangkain ni 12azor na kunin ang importanteng strategic point ni Koda sa baba lamang ng kanyang base at nabaling ang atensyon ni Koda na protektahan ito, sa pagtangka ni 12azor na kunin ang point, may nakaabang na Volksgrenadier squad sa haystack na nagbibigay ng green cover (magandang linya ng depensa) ngunit sa lakas ng mga Garang ng mga rifleman ay napaatras muli ang mga volks. Ang mga rifleman ngayon ay pinauulanan ng motorcycle na ginamit ni Koda sa pagabante ni 12azor sa kanang fuel point ngunit may paparating na isa pang rifleman squad galing kay 12azor.

Pinilit ni 12azor na wakasan ang pag-andar ng mga volks ngunit hindi na nakaporma ang mga rifleman nang matanaw sila ng nakatambay na Heavy Machine Gun squad ni Koda, napwersa silang umuwi, ngunit habang nagkakagulo sa hilagang parte ng mapa ay nasira na pala ng mga engineer ni 12azor ang barbed wires na ginawa ni Koda at sinimulan nya nang kunin ang fuel point sa kanan.

Lumalabas ngayon na nagkakaron ng matinding agawan sa bawat points ang magkalaban. Nagkaron rin ng pagkakataon na kunin ngayon ni Koda ang mga victory points hanggang sa nagsimulang lumabas ang M8 Armored Car ni 12azor. Agad rin naman itong nirespondehan ni Koda ng kanyang mga Pak 28 Anti-tank gun.

Pioneers: Puta Uwe!!!

Bagamat nagagawa pa rin ni Koda na makapagpwesto ng mga Pak38, hindi rin ito nagamit ng husto dahil na rin sa mga barikadang ginawa nya. Napilitan na si Koda na magsanay ng Grenadier squad na may Panzerschrek upgrade, sinubukan ni Koda na itaboy ang M8, subalit si 12azor naman ay nakapagpundar na ng sapat na langis para makagawa ng Triage Center, at ang kinatatakutang BAR upgrade ng mga rifleman.

Sa matinding micro-management na ginawa ni 12azor ay nagawa nyang maipit na ng tuluyan si Koda. Subalit pinagpatuloy pa rin ni Koda na lumaban hanggang sa huli.

-------

Sa kasamaang palad, dahil sa bagal ng aking upload rate ay hindi ko pag mauupload ang Shoutcast na ginawa ko para Battle Report na ito, ngunit para sa mga nais panoorin ang replay nina Kodachrome at 12azor, dalawin nyo lang ang link na ito. Hanggang sa muli!